كلمات يبقى عنا ادونيس
يبقى عنا حرقة تخلي قلوبنا تولع كل ما
شفنا ظلم ومن كتر ما شفنا ظلم كبرنا
يبقى عنا يبقى عنا القدرة نخلي العالم تحكي عنا
تغني الاشعار لكانت وقتا تطلع منا
والناس مطروبة وما حدا بيعرف مين غنا
عم دوب بمية لون
وكانو بوسع الكون
ما كان في غيري وغيرك يعرف لما
كنا ندوب بمية لون ولون
وكانو كانو بوسع الكون
ما كان في غيرك يذكر لما قلنا
اذا رح موت مش كرمال ملوك
او كرمال حدود تقاسمتها ملوك
اذا لازم موت بدي موت لما ما يعود في شي غني
يبقى عنا يبقى عنا القوة نشوف بالخربة قصور وعنا
طرقات وسطوح بتسوا مملكة وكانا
محصنة وما بيقدر يخرق مية جيش حيطانا
عم دوب بمية لون
وكانو بوسع الكون
ما كان في غيري وغيرك يعرف لما
كنا ندوب بمية لون ولون
وكانو كانو بوسع الكون
ما كان في غيرك يذكر لما قلنا
اذا رح موت مش كرمال ملوك
او كرمال حدود تقاسمتها ملوك
اذا لازم موت بدي موت لما ما يعود في شي غني
اذا راح موت مش كرمال زعيم
او كرمال القاب مش معروفة لمين
اذا راح موت مش كرمال كتاب
لتفضا القلوب وتتعبا الجياب
اذا لازم موت بدي موت لما ما يعود في شي غني
كلمات اغاني ادونيس يبقى عنا
غناء : ادونيس
كلمات : ادونيس
الحان : ادونيس