كلمات يقولون متغير مهند الوليدي
لا عاد لك شوفه ولا دري وش اخباري
من عقب ذيك المزوح ولعب البلوتي
اصبحت كنك مقيد في عقر دارك
قلت البقاء لاخلاء يامن فقد صوتي
باقي على هقوتك واعز مقدارك
وانا ادري انك على ظني وهقواتي
ماغيرتك الظروف ومشعلن نارك
لاتحسب أن الزمان مغير اشفوتي
تراني احضر مع الاجواد ومشارك
حتى ولوكنت متكدر ومكبوتي
أضحك وسولف ولاني ملفت انظارك
مدامك اوحيتني من فايت الفوتي
انا شفوقن عليك وقابل اعذارك
الصدق ماينجحد لاصار مثبوتي
حتى ولو غطت الرملى على اثارك
مدام حبل الوفاء والود مفلوتي
مجبور غصبن عنك بتغير افكارك
اهم شي احفظ افروض الصلاواتي
وتبر في والديك وتحترم جارك
كلمات اغاني مهند الوليدي يقولون متغير
غناء : مهند الوليدي
كلمات : محمد حسن السنحاني
الحان : مهند الوليدي