كلمات يقول الشمري سلامة العبدالله

يقول الشمري هرج الامانه
نظرت الزين موضي الجبيني
لطيف الجسم هو احسن زمانه
عليه القلب ولهان حزيني
حبيب لي لطيف بالحنانه
وخده كالقمر ساعه يبيني
غرير ماشي في نصف شانه
ويرضيني ويزعل حاسديني
كتب لي خط وارسل لي عنانه
وحرف الميم في بيته سكيني
كتبت النون يوم ارسل بيانه
ودمع العين حبر العاشقيني
الا ياصاحبي ماهي مهانه
لاشك الناس دونك حايليني
صلاة الله على راعي الامانه
نبي الله سيد المرسليني