كلمات يلعب على كيفه احمد ال شملان
خليت قلبي يغني في مشاريفه
يا اهل الهوى وين مدهالي وميلافي
الله علم ويش رده من مواليفه
ليل الشجن يا نديمي بيح الخافي
عليك ياللي بعيدات مهاديفه
انشد على طب عوقي كل عرافي
ان كان عاده علي ينشد معاريفـه
وقله عسى يا عسى ما حوله اخلافي
شحت ابلاده علي وابلاده امريفـه
كم ليلة قد ضويت البيت طوافي
وما شفت لصويحبي عند العرب شيفه
ريم بلاني بحبه والله الشافي
من بعد ما ساق فنجاله على ضيفه
من زين الاطباع والا حلو الاوصافي
يا ويش اوصف واخلي من تواصيفه
لا قام يلعب ويلعب ليله الضافي
قلت اتركوا اللعب له يلعب على كيفه
اصغير السن لا بيح لي الخافي
محلا تبسامه ومحلا سواليفه
كلمات اغاني احمد ال شملان يلعب على كيفه
غناء : احمد ال شملان
كلمات : محمد بن جمشان
الحان : احمد ال شملان