كلمات يمه تراك البدر لابان ضيه بندر القحطاني
ايطيب الخاطر ويشفي جروحي
وابشرتس يانجد جالك سميه
اغلا علي من نبض قلبي وروحي
امي عساها تعيشعيشه هنيه
الي لها الخاطر يحن ويبوحي
يمينها على المكارم نديه
وفعولها سوات برق يلوحي
يانجد يلي بالمكارم وفيه
ياعل يفداك البخيل الشحوحي
ويامرحبا عد المزون الرفيه
يابنت عايض يالجناب السموحي
على الشحم والدله الشاذليه
والعود الازرق فوق جمره يفوحي
يومك من اهل الطيب واهل الحميه
وقلبك على فعل المكارم لحوحي
يمه تراتس البدر لابان ضيه
نبني على شعاع نورك صروحي
لك الغلا والحب والمقدريه
ولاشواق وسط القلب صارت طفوحي
والله لو تغيبين عني شويه
لعيش بين الناس كني بروحي
العين تهنى فيك يالصيرميه
ولهرجك المعسول لذنين توحي
ودامتس علينا يام متعب رضيه
فهذا مناة العين واكبر طموحي
ياشمعة الجلاس يالاجوديه
ماعنتس ياست الحبايب نزوحي
جمالتس الفتان مافيه زيه
والوجه من ضحكة شفاتك صبوحي
وعزوم راسك فالمواقف قويه
وعلى الصعايب والشدايد نطوحي
يابنت من ناره على الطيب حيه
من يعتزي بجدود لاناح نوحي
يكفي فخر لا قالوا جويعديه
وحنا عيالتس مبعديين الشبوحي
مزيونه ومطنوخه وجحدريه
ولمعة جبينك مثل برق يضوحي
وقحطان هم عزوتس ستر البنيه
الي على العدوان نار لفوحي
كلمات اغاني بندر القحطاني يمه تراك البدر لابان ضيه
غناء : بندر القحطاني
كلمات : مبارك القحطاني
الحان : بندر القحطاني