كلمات يوم الوطن محمد بن غرمان
قبل القصيد وقبل ترتيب الابيات
على الله الرحمن متوكلينا
الواحد اللي فوق سبع السماوات
اللي ما هو في حاجة المادحينا
لا بد نختار البيوت الجزيلات
ولا نقول الا الكلام الثمينا
من بعدها مني سلام وتحيات
على الوطن وملوكنا المخلصينا
ويوم الوطن تذكير في ماضين فات
ونجدد البيعة مثل ما ابتدينا
الله يعز الدين واهل القيادات
والله يحفظ خادم الحرمينا
الحاكم اللي ما يهاب الصعوبات
في خدمة الإسلام والمسلمينا
وبو فهد معروف وقت المهمات
يحرك العالم يسار ويمينا
ومحمد اللي وصل كل الطموحات
عز الله انه جنن الحاقدينا
يا سيدي ما عندنا مستحيلات
حنا حزامك وانت تامر علينا
أبشر بنا في الموقف الصعب بالذات
أمرك وحنا كلنا جاهزينا
حنا السعوديين رمز البطولات
وافعالنا من ماضيات السنينا
تاريخنا معروف منذ البدايات
واذا قدحنا نردع المعتدينا
يشهد لنا التاريخ في وقت الازمات
نثبت ومهما صار متواجدينا
وختامها ندعو للاحيا والاموات
والحمد لله أكرم الأكرمينا
كلمات اغاني محمد بن غرمان يوم الوطن
غناء : محمد بن غرمان
كلمات : عبدالكريم بن منصور الشمراني
الحان : محمد بن غرمان