كلمات 100 تحية ايهاب توفيق
واللى فى الشده افتكرها
والرئيس فى خطابه قالها
مصر تحيا وتحيا مصر
شعبها حافظ جميلها
طول مافيها بيجرى نيلها
عمرها مايقل خيرها
واسالو مين هيا مصر
١٠٠ تحيه والف سقفه
للى وقفوا بجد واقفه
فى ضهر مصر عشان تعيش
شكر مخصوص للدكاتره
عالمجازفه والمخاطره
جيشنا الابيض احلى جيش
شد خط وحط شرطه
تحت كلمه جيش وشرطه
هما دول سر الامان
سهروا فى الشارع عشانا
فكرو وبس فى اماننا
اصلهم فى الشده بان
غمه بكره تزول وترجع
عالوشوش تانى ابتسامه
وادعو للى اتصابو يلا
يرجعوا بمليون سلامه
بالتعاون والتزامنا
نقضى عالفيروس فى ساعه
ده ابتلاء والصبر دايما
عالبلا يقوى المناعه
مصر والعالم فى محنه
ربنا يحوش ويعافينا
ده امتحان لو فيه نجحنا
يبقا من الكرب اتعافينا
فى اختبار ربك حاططنا
واضحه جدا مش غريبه
يمكن احنا كتير غلطنا
وكلنا بندفع ضريبه
كل واحد قام بدوره
عاش ويسلم عالبطوله
واللى كان ثابت حضوره
ابن اصل وفرزه اولى
كل فرد عمل محاوله
واشترى خاطر بلاده
شوفنا زيه فى كل دوله
بيحمى من الفيرس ولاده
كلمات اغاني ايهاب توفيق 100 تحية
غناء : ايهاب توفيق
كلمات : محمد جمال
الحان : فارس فهمي