كلمات اصد عن زلة اصحابي وصدري وسيع خالد ال بريك
طواري الليل تزعجني مناديبها
استودعك ما بقلبي ي الحفيظ البديع
وأحلامي اللي صعيباتن مطاليبهاا
لو اتراخا لصكات الزمان الشنيع
واشيب عيني من الايام واشيبها
اصادم الوقت وان ماطاع ماني مطيع
مادام الايام ربي عالمن غيبها
واصد عن زلة اصحابي وصدري وسيع
يوم الاصاحيب ماتوفي ل اصاحيبها
حتى ولو انكروني منكرين الصنيع
لابد الايام ماتصفي مشاريبها
اعرف اسلوب اللكاعه مير ماني لكيع
ملكعتني حياتي من تجاريبها
خذيت قسمي بكفي قدم كل الجميع
يوم الذيابه تعاوى في مراقيبها
وان مر طارى للمفاخر والمقام الرفيع
أنا عتيبي علوم الطيب ضاريبها
اضرب على الكايدة مثل الحسام البتيع
وارهي على الاوله بالفعل واجيبها
فعول ربعي تشيب بالغلام الرضيع
والطيب والفزعة عتيبة معازيبها
اسم العتيبي نهار الثار مثل الشفيع
يعتق له رجال بلحاها واشانيبها
يا نايف أطلق حجاجك يا الحصان الشجيع
أنته سلائل رجال ذايعن طيبها
عز الله انك خوي خوته ماتضيع
افخر بخوتك ي نايف واماريبها
حفلك مسبب تزاحم فالطريق السريع
وامن الطرق والمرور تعيد ترتيبها
ي مرحبا عد نو جا لبرقه لميع
في حفل شيخن ضيوفه زاد ترحيبها
لجل المواجيب يبذل فوق مايستطيع
وضيوف ضيف الله مكمل مواجيبها
سليل عصمان عن درب السنع مايتيع
جدانه اللتي ترد البل وتسري بها
ذوي عبيد الأكابر مجدهم مايضيع
سيوفنا اللي عطيباتن مضاريبها
من عزوتن طيبها قد شاع مع كل ريع
من عاد بقعى تولع في مشاهيبها
الاد زراق ربعي محتمين الفجيع
اللي شكى ضيم الايام وعواقيبها
هيباتنا دون حد الدار سدن منيع
ركنن من ركون روق ومن مناصيبها
لاهاب قلب الشجاع وصار يقرع قريع
نقدم لو ان المنايا عاوين ذيبها
المجد ياقف لنا واللي عصانا يطيع
هذي حقيقه جميع الناس تدريبها
كلمات اغاني خالد ال بريك اصد عن زلة اصحابي وصدري وسيع
غناء : خالد ال بريك
كلمات : مصلح الزراقي
الحان : خالد ال بريك