كلمات اضرب صحوبية جوني
اضرب صحوبية مع الاحزان
و اتمشى معاها على الكورنيش
ضمها بايدين مليانة حنان
قولها عن سرك ماتخبيش
قولها دانا حاسس اني وحيد
وقلوب الناس شايلالي جراح
لو لسه ف عيني الفجر بعيد
ف عينيكي طريق الحلم براح
اضرب صحوبية مع الاحزان
و اتمشى معاها على الكورنيش
ضمها بايدين مليانة حنان
قولها عن سرك ماتخبيش
قولها مخنوق مش لاقي كلام
وانتي اللي رسمتي دموعي حروف
حلفها بكرهك للايام
ماتسيبش ف قلبك نقطة خوف
واسالها كمان عن احوالها
دور على نكتة تقولهالها
ماتكونش الصفر على شمالها
خطي و خليها تخطي معاك
ويا الاحزان هتكون انسان
جايز يتحول يبقى ملاك
ويا الاحزان هتكون انسان
احزانك اجمل شيء جواك
كلمات اغاني جوني اضرب صحوبية
غناء : جوني
كلمات : انطونيوس نبيل
الحان : انطونيوس نبيل