كلمات افراح الطراق جزاع المري
مثل ما يسل السيف في ساعة الهيه
وانا شاعر ما تتعب هجوسي الافكار
اجيب الجزل والهزل يرضاه هزليه
عقب ظلم الليل العتيم وبدا الاسحار
واذان الفجر باقي على اذانه شويه
نصلي الفروض وندعي الله خفا واجهار
ولو هو يدور الوقت مادارت النيه
كتبت القصيد وماني بحاجة استغفار
علي الحرام ان القصيده حقيقيه
على مدح راس فيه طنخه وعز وكار
تعلا على روس المدايح معاليه
تكابر بني هاجر بمثله على الاقطار
ويحق الفخر لا حل ذكره و طاريه
لحفلك يابوسلطان ما نحسب المشوار
رفيق له الامجاد والطيب ماريه
يحط الوفا والمرجله في الحياه شعار
ولا هو غريبه والسطر من مجانيه
ياجعله مبارك حفلكم لالفى الخطار
مايكفي لنظم السير شرطه ودوريه
تراحيبكم يسمع بها كل من في الدار
ياحي السطر عند محلفنا ويا حيه
لكم يا ال طراق الثنا والسلام الحار
لروس اليزيد اللي لهم سمعة حيه
وانا شاعر قصيدته تخطف الانظار
ومن لابة في مرقب المجد مسميه
الا خيلا السمرا على قبة الامهار
لنا يا ال عرجا حاضر كنه ماضيه
وصلو على نبينا الصادق المختار
بختام القصيد اللي تجمل معانيه
كلمات اغاني جزاع المري افراح الطراق
غناء : جزاع المري
كلمات : الرتيان
الحان : جزاع المري