كلمات كاسب الامداح جزاع المري
ماتورد غير من بحر الجزاله
تمدح اللي مجدهم ماضي وحاضر
نسل شيخانن عريبين السلاله
من سلالة بن منيف اشيوخ أكابر
راية الاجواد ترقى كل طاله
ناصر ابن سويد به ربعه تفاخر
بيت خوار المعزه والاصاله
دار ابوخالد مقر لكل زاير
الكريم اللي عطى من حر ماله
طبع جدانه خذه والكل خابر
يفتخر بالجود وموصي عياله
قبلة الضيفان لي وارد وصادر
سعد والله من نصاه ومن عناله
الشحم والعود الأزرق والمباخر
والدلال الصفر وأنواع القواله
الكفو في مدحه تجف المحابر
والقصيد الذرب يكتب له لحاله
كاسب الامداح والجودات ناصر
بن منيف الجيد معناه وخصاله
الرجل يمدح بفعله والمخابر
وانت مآخذها وكاسيها الجماله
والردي يفداك جعله في المقابر
جعل تبطي حي يأرمز الاصاله
كلمات اغاني جزاع المري كاسب الامداح
غناء : جزاع المري
كلمات : عبدالعزيز بن عوض الباص
الحان : جزاع المري