كلمات اكسر قيودك جوني
قدام عيونك وانتا بتاجله
بلاش تقول الفجر متاخر
ما تيلا بينا نقوم ونستعجله
بدل ما تلعن جرحك النازف
وانتا ف حمى الجدران بتتامله
انزل بكفك ع الحيطان جازف
بره الحيطان فيه حلم بنكمله
بره الحيطان فيه فجر مستني
تكسر قيودك وانتا بتغني
بره الحيطان فيه فجر مستني
اكسر قيودك وانتا بتغني
فك قيود الليل من روحك
واخلق شمس بتتمناها
واتصاحب على طعم جروحك
واتعلم تضحك وياها
ليه تفضل على طول متشرد
ف شوارع دبلت اساميها
ارفض حاول غير حرض
هد الدنيا عشان تبنيها
ليه بتسيب الخوف يتامر
على قلبك ف الضلمة يوماتي
بحلق برق زعق زمر
قوله مالكش مكان ف حياتي
قوله مالكش مكان ف حياتي
قوله مالكش مكان
ه اشطب ليلك من حكاياتي
قبل ما فجري يبان
اكره سجنك كسر دمر
ماتغمضش ف لحظة عيونك
حلمك مهما يعيش ويعمر
لازم ييجي ف يوم ويخونك
ليه تفضل على طول متشرد
ف شوارع دبلت اساميها
ارفض حاول غير حرض
هد الدنيا عشان تبنيها
قول لدروبك مهما تضيقي
مهما تعاندي وتقسي عليا
برضه ه اكمل باقي طريقي
عمر ما كان المشي خطية
عمر ما كان المشي خطية
ولا كان شغل جنان
ه ارفع راسي واحط ايديا
على كتف الاحزان
بره الحيطان فيه فجر مستني
اكسر قيودك وانتا بتغني
بره الحيطان فيه فجر مستني
اكسر قيودك وانتا بتغني
كلمات اغاني جوني اكسر قيودك
غناء : جوني
كلمات : انطونيوس نبيل
الحان : انطونيوس نبيل