كلمات الا تكون بتتخيل طه سليمان
الا تكون بتتخيل
ببقى زي التعب قدمو
في عز الشمس قيل
وزي شتلا نضير ناير
على شوك الالم ميل
اعاين لي سواك انت
انت اكيد بتتخيل
لا ما واعي ومافي
داعي تقول القلتو في حقي
وغير اسمك في تاني
اسم بحلي الدنيا لي حلقي
انت جنوب شمال قلبي
وانت غرب حنان شرقي
وعشان القاك واعاين
ليك بجيك كل يوم واتحيل
وانت تقول بشوف
غيرك انت اكيد بتتخيل
لي سنتين بعاين فيك
ونظري الما شبع منك
وعاشرت الحنان ياما
وما لاقاني زي حنك
حلاة الدنيا فيك انت
والاجمل صغر سنك
شلت معاك جمال الكون
وحسن الروعة ليك شيل
وبتفكر بشوف غيرك
الا تكون بتتخيل
ولو عاينت لي غيرك
حرام والنار تحمدني
وغيرك انت ما شايف
هواهو وحبو ساندني
بريدك كان تميل لي
وبريدك لو معاندني
بريدك بي النهار وصباح
بريدك ليلي كان ليل
وكان عاينت لي غيرك
بكون انا ذاتي بتخيل
كلمات اغاني طه سليمان الا تكون بتتخيل
غناء : طه سليمان
كلمات : طه سليمان
الحان : طه سليمان