كلمات مسلسل حكايات سودانية طه سليمان
والدنيا كانت نو
والناس ورا الايام
تغزل خيوط الضو
كان العشم واقف
تحت المطيرة الشو
والحلة محنانة
ما عارفة شن بتسو
كل الحكاوي هناك
كاسيها سمر الليل
او لون بيوت الطين
الما بتخاف السيل
او ضحكة الشقيان
الما بيغلبو الشيل
حتي الغناوي هناك
دايرلا جمة حيل
روعة حكايتنا
والقمرة يا دوبا
مرسولا في حجوات
شايلاها حبوبة
داسها في روحا
صارها في توبا
داخراها للاجيال
باكر بغنوبا
كان العشم واقف
تحت المطيرة الشو
والحلة محنانة
ما عارفة شن بتسو
حاضرنا ما غايب
واحلامنا ما غابت
والباكر المامول
في ضحكة انسابت
قدامنا باقي طريق
والغيمة لو صابت
نملا البوادي حكا
وتبقي النفوس طابت
روعة حكايتنا
والقمرة يادوبا
مرسولا في حجوات
شايلاها حبوبة
داسها في روحا
صارها في توبا
داخراها للاجيال
باكر بغنوبا
كلمات اغاني طه سليمان مسلسل حكايات سودانية
غناء : طه سليمان
كلمات : محمود السراج
الحان : محمود السراج