كلمات البل غلاها حمد الطويل
ساري فعوله دلته/ على السنع واكبر دليل
كلن على شانه حضر/ ما حسبو لطقوسها
الطيب تلمع سلته / في كف شغموم صقيل
مزروعي فعله فخر / ربعه تطابخ روسها
بالطيب بهر دلته / والبيض من يمناه هيل
فنجالها كله سطر / والكيف هو ناموسها
الطيب قده جبلته / والفعل غاد له عميل
ساق المراجل وادهر/ الليين وقف قوسها
هذي هي الي جلته/ مكرم قصيره والنزيل
والضيف يلقاها سفر/ لاجله تخف نفوسها
فوق المعالي حلته / في العز مابه مستحيل
للطيب ما مثله شهر/ يعطي الرجال دروسها
البل غلاها ولته / ساري يبادلها الجميل
الي لها عنده قدر / مثل النخل بغروسها
لو تكشفون سجلته / عينت له باع طويل
على مدورت النظر / ابن بلوش يروسها
السوق يبري علته / فالمشترا ماله وكيل
غير النظر عنده بصر / يقوسها ويسوسها
فالزين يبرد غلته / باللي لها شكل قليل
سودا ونابية الظهر/ عربً كبار روسها
فيها الغلا متفلته / بعيونها كنها تخيل
البرق خطاف البصر/ والطيبين عسوسها
جبر العظاء من شلته/ يكودها الخف الثقيل
فجحى من المدور حدر/ على الثقال تدوسها
جرد الرقاب مسلته / ولحييها حد السليل
طفح اللواحي والنظر/ والروس قوس قوسها
تحت الاطيمس فلته/ مهادل مثل الشليل
يلعب بها نود العصر/ كن التغنج هوسها
كل الجمال احتلته / العرض والعضم الطويل
كنها ترفع بالنحر / متنهض نسنوسها
وان قلت ويش اجلته/ قلت المزاين له كفيل
الاوشحه عين النصر/ والفوز هو ناموسها
أمنتجه ومفلته / ما جابها الشي القليل
افنا الرصيد المدخر/ واخلا البنوك فلوسها
تعيش تحت اظلته/ ساري لها ظل ظليل
جواهر مثل الدرر/ والعافيه ملبوسها
مفلا السعاده فلته / في عزبته خير فضيل
كن الاثدا والزهر / متجروش ب عبوسها
كلمات اغاني حمد الطويل البل غلاها
غناء : حمد الطويل
كلمات : علي الصافيه
الحان : حمد الطويل