كلمات الجادل فيصل المداريه
عجزت لا اقاوم مفارقها واقاوم غيها
سلمتها قلب من اول عن عزومه ما يلين
لو دورت سود الليالي في العروق رحيها
لين استباحت راحته واستظهرت سر دفين
واقفت وخلتني على جال القليب وطيها
مع ان ما جاها خطا مني وانا عذري سمين
لكن حفظت الها غلاها لين جود كيها
وادرا على السمعة من اللي للقفيا جاهزين
يبطون ما يلقون مني ما تقول في ميها
وانا اعتبرها اول غلا واخر غلا علم يقين
عسى مزون الغيث تسقيها وتسقي حيها
بنت الشيوخ اللي تضد القوم بالجنب المتين
في ضفهم تستانس العراء ويكبر نيها
يبقى غلاها في خفوق بالغلا ما يستهين
ام الخدود اللي شعاع الشمس يشبه ضيها
الله يسامحها على ما سوته هاك السنين
في ديرة خطر يموت من الضما طرقيها
وانا على ذيك الليال يسوقني شوق وحنين
احيان اقول ان الليالي ذيك ما جاء زيها
ذيك الليال الطيبات اللي تسر الناظرين
اللي على الغصن الخضر يلعب طرب قمريها
ماعاد باقي لي سواء ذكرى فراق الراحلين
والراحلين فراقهم صعب علي انسيها
حتى ولو كابرت وابديت السعادة مرتين
تدفعني الذكرى ليا نسنس هواء غربيها
كلمات اغاني فيصل المداريه الجادل
غناء : فيصل المداريه
كلمات : محمد الغنامي
الحان : فيصل المداريه