كلمات الجيل الصاعد شادية
عاش الجيل الصاعد عاش
جيل من شعب مجاهد عاش
عاش يبني ويجاهد عاش بكفاحه الخالد
راجل واحد مبدا واحد عاش جيل ثورتنا عاش
وردة الجزائرية
عاش الجندي يوم ما حطم شوكة الاستعمار
كان عنوان النصر الثوري فى كل بلد احرار
وسمعناه بيقولها قوية باسم مبادئ امة ابية
انا خط هجوم ودفاع انا رمز سلام وصراع
افدي بالروح واعيش فى النصر بطل وشجاع
حيوا معايا قولوا معايا عاش الجندي العربي عاش
نجاة الصغيره
عاش الزارع يوم الشمس ما حست بيها عنيه
فرشت نورها وكبر الزرع وهو مداري عليه
وسمعناه بيقولها قوية ارض ولادي ورجعت ليا
حرمونا سنين وسنين وافتكروا الناس نايمين
وطلعنا عليهم يوم خلصنا حقوق ملايين
حيوا معايا قولوا معايا عاش فلاح الثورة عاش
عبد الحليم حافظ
عاش الفن حضارة لامة يبنيها الفنان
يروي حياتها بغنوة بكلمة بصورة بروح وايمان
وسمعناه بيقولها قوية مجد بلادي عهد عليا
قلبي وروحي ملك لفني والاتنين لبلادي هدية
حيوا معايا قولو معايا عاش الفن رسالة عاش
فايزه احمد
عاش العامل يوم ما فكر يبني لبلده دار
فيها مداخن طالع منها لهب النور والنار
وسمعناه بيقولها قوية ده انتاجي وصنع ايديا
حققنا بعون الله للشعب دعاه ومناه
والخير زاد منا وفاض والفايض صدرناه
حيوا معايا قولوا معايا عاش العامل عاش
شاديه
عاش الطالب يوم ما طلب العلم كتاب وسلاح
عرف العلم وسيلة تحقق غاية كل نجاح
وسمعناه بيقولها قوية فى الاعدادي وفي الكلية
العلم سلاح جبار بيحول ليلنا نهار
يسعى للنور بالنور ويواجه النار بالنار
حيوا معايا قولوا معايا عاش الجيل الصاعد عاش
محمد عبد الوهاب
عاش الشعب العربي كله شعب سلام وامان
عاش الوعي العربي كله ثورة فى كل مكان
ثورة مارد للحرية هب ونادى للقومية
ردينا عليك يا جمال وايدينا فى ايديك يا جمال
وطلعنا معاك يا جمال نبني وياك يا جمال
حيوا معايا قولوا معايا عاش عبد الناصر عاش
كلمات اغاني شادية الجيل الصاعد
غناء : شادية
كلمات : حسين السيد
الحان : محمد عبد الوهاب