كلمات الحاوى سيد درويش
ياللي التعابين تلعب عنكب فى جرابه
يا الف اهلا يا الف مرحب
يا ست الاف نور على جنابه
الحاوي انا محسوبكو الواد سفروت
الجميع سفروت
الحاوي ابلع جاموسه تنزل برغوت
الجميع برغوت
الحاوي امضغ قطط
الجميع قطط
الحاوي ازغط بلط
الجميع بلط
الحاوي جرابي فيه
الجميع فيه ايه
الحاوي حيات اورط
الجميع اورط
الحاوي حاوي مناويشي وغيري مافيشي
منتوف ريشي جيوبي مشروطة
الجميع مشروطة
الحاوي فهلوي مصري نكتة وعصري
ابكس واجري وايدي مربوطة
الجميع مربوطة
الحاوي وياي بنتي حلوة وحنتي
وحياتك انتي بيضه قطقوطة
الجميع قطقوطة
الحاوي تاكل تعابين ياعم روبين
وعليها جبين حاجة مخروطة
الجميع مخروطة
الحاوي جيت لكو فى الهند بلاد السند
ان جيت للعند اهي مخلوطة
الجميع مخلوطة
الحاوي العب سيميا اونطة وكيميا
من بوهيميا انا واد فلوطة
الجميع فلوطة
الحاوي احط ف ايدي جدي صعيدي
اقفل ةافتح يطلع قوطه
الجميع قوطه
الحاوي امسك تعبان يطلع جعران
يقلب فيران لابسين فوطة
الجميع فوطة
الحاوي توت هيلا توت هيلا
توت هيلا توت هيلا
الجميع الحاوي اهو تعا نتفرج على العابه
ياللي التعابين تلعب عنكب فى جرابه
يا الف اهلا يا الف مرحب
يا ست الاف نور على جنابه
كلمات اغاني سيد درويش الحاوى
غناء : سيد درويش
كلمات : بديع خيري
الحان : سيد درويش