كلمات السد باح سلامة العبدالله
ذكرتني يازين وقت مضالي
اعجبتني يا زين وانت متعدين
واشغلت قلبي يا حسين الدلالي
على النقا سيد المها لو يحاكين
واللي على وضح النقا ما يبالي
قلوبنا من جملة الغش صافين
اصفى من العد القراح الزلالي
يا غصن ورد ناعم بالبساتين
لا هب نسناس الهوى فيه مالي
الخشم سيف وصافي السحر بالعين
يذبح وفي يمناه رمح الهلالي
والخد برق يجهر المستخيلين
احمر عطر صنعه عزيز الجلالي
والغره الحلوة تحف الحجاجين
واللي ورا الغره شبيه الهلالي
لا شفت ناس حول حلياه حلوين
حير قدم رجلي و زوله طرا لي
سيد المها واسمه ببعض الدكاكين
اغلى قماش بالدكاكين غالي
الحب عذبني وعذب كثيرين
ماني بانا الاول و لاني بتالي
بعدك يعذبني وقربك يسلين
ضيعت قلبي يا حلي الغزالي
اشغلت قلبي وانت سالي وناسين
ياليتي ادري ويش قلبك نوالي
حال النوى بيني وبين المحبين
والبعد زود علتي عزتالي
قلبي يحن وهل دمعي من البين
رغم البطى والبعد ماني بسالي
الحي لابده يجي لو بعد حين
وش عاد لو صارت سنين وليالي
اهل الهوى دايم تراهم ذليلين
وانا تخوفني جهامه ظلالي
واختم جوابي وابقى القلب تامين
وانت الوكيل بسر قلبي بدالي
كلمات اغاني سلامة العبدالله السد باح
غناء : سلامة العبدالله
كلمات : فهد العلوش
الحان : سلامة العبدالله