كلمات الشاعر اللي شارب علوم الرجال خالد ال بريك
وهو ما شرب اغلب ضيوفه ليا جوه قهوه
هاذا اللذي ودك يقرع من مراتيع الجزال
ولا يخلا بينه وبين الطواريق نهوه
ترى الشعر ماهوب اساس المرجله يابن الحلال
المرجله تبغى كريم يخلي المال ثعوه
من لا يهين النفس ما يبطي على روس الطوال
يروح مجده من تبع نفسه كبر عش صعوه
ترى السهم ماينفع النبال من دون النبال
اليا غدا للخيل عج وللحشاوين رغوه
واللي لجل كلمة نعم يسبق مداغيش العيال
وعلى الفخر والمرجله والطايله فيه نحوه
ابمدحه لانه هو الكامل ولله الكمال
بينه وبين الناقصه مسرى ليالي وضحوه
حشان حشان السعد والجود محمود الخصال
ينوخ كبار الصعايب لا لفنه برهوه
تقول يقدر بصبعه يشقر لحاليح الجبال
ويلين بضربة يمينه قسوة هضاب فحوه
لحن ٢
حشان عبدالله طروقه مخلاه
ابن غصيبه سعد منهو حزامه
قرمن يصب السمن من فوق يمناه
هرش المراجل في يمينه خطامه
يقلط على الصعبات لامن زهمناه
مقلاط ابوزيد الهلالي سلامه
اخوانه حزامه ودرعه وشلفاه
هاماتهم ترقى على كل هامه
عيال عودن تفعل الطيب يمناه
شيب على طاعه وعز وكرامه
يالله عسى الجنه مقره ومثواه
نتيفين يلحق فعوله كلامه
لحن ٣
والله ان مدح النتيفات للشاعر وسام
الشعر يفخر بهم والحبر والمطبعه
هم فوانيس الخوي لاكسى وقته ضلام
لابتن على سنام الفخر متربعه
هم عمود العز هم ستر مردوع الوشام
هم معازيب الثنا والكرم هم منبعه
يشهد المسعودي وقافه بجزل الكلام
يوم ابن نمشان ساق الكرايم ونفعه
هم هل الافعال بالرمح وبحد الحسام
والمعادي كل ما بان راسه تقطعه
جمعهم يوم اللقى لا بوار ولا انقسام
لاغدا للخيل عجه وللذود اربعه
ترثة جميله هل البطش لا ثار العسام
الرفيق تنومسه والمعادي توجعه
ترثة جميله سنا العز عالين المقام
من مناعير الدواسر وللضيقه سعه
كلمات اغاني خالد ال بريك الشاعر اللي شارب علوم الرجال
غناء : خالد ال بريك
كلمات : مدعث بن جريس
الحان : خالد ال بريك