كلمات الشبل سالم بن احمد بن دري الفلاحي مسفر السندوانة
فالق الصبح السعيد اللي معه رزقه وخيره
مجري جول السحاب اللي هميله كنه غاره
يهجد له ديرة والصبح يطرونه بـ ديره
كن مجر سيوله بجرد الثرا مبرك حواره
يثلم خيوطه وينعش ربله وينبت عبيره
مثل كف يمين قرم بالسخا طالت يساره
تغني اللي في ذراه وينعدل حتى مصيره
الشبل سالم ملاذ اللي يدور الاستشاره
ابروفيسور الهموم وطب الاعواق العسيره
ابلج ربي عطاه الجاه وبوجهه اناره
مثل نور الشمس لا اسفر ضيها عقب الستيره
صاقره زايد جعل جنات عدن الخضر داره
كيف ما يندر وهو من علمه تعليم طيره
ما يصيد الا السمين اللي عجز فيها حراره
يزمط بفعله والى من هد يبهر في مطيره
لو ما حصل غير خوة من بنا ذيك الحضاره
زايد التاريخ يكفيه الشرف معنى وسيره
من رجالاته وباني دولته شارع وحاره
وبمجال الهجن يا كم سيف اطلق من جفيره
شالجديد اليا احتمى البندق بحامي في دياره
او خذا حراق فوق البندق شداد المغيره
انشد العالم وتعطيك الحدث صوت واشاره
من مأسست الركض عاد الرجل يركب بعيره
يا شكي الوجعه اللي كن على صدرك عماره
ازبن ابن دري حتى تعرف انه غير غيره
ما تنصاه العيون اللي تساكب من غزاره
كون ما تمسي بظله امنة ولا قريره
فزعة اللي من ظروفه ما قدر يبنق زراره
خاف لا يقطع شهيق اريته عن باقي زفيره
ذا عذاب الحشو من نسنوس غاربه الفقاره
مفني سمان البهم بصحونه الضخم الكبيره
اطنخ ما يفتكر فالوقت وبراسه حراره
واخطل ماهو يواحي مثل ابو كف صريره
الفلاحي الهمام القرم واللي له وقاره
عند شيخان البلاد وريسه ويا شويره
وعند كل الناس سالم داخل وخارج دياره
مدهل الضيفان محبوب الجماهير الغفيره
كلمات اغاني مسفر السندوانة الشبل سالم بن احمد بن دري الفلاحي
غناء : مسفر السندوانة
كلمات : محمد بن لحيمر
الحان : مسفر السندوانه