كلمات العوامر انس ال بهيش
ساس العرب تاريخها وامجادها
اللي يفكون الغريم من الغريم
هم روس قوم تفتخر باجدادها
عند الغضب رجالهم يبقى حليم
وليا استشاط يتلها بقيادها
بالمعرفة والعقل والراي السليم
وسيوف عز مكرمة فغمادها
وان كان سلوها يضدون الخصيم
وخصيمهم لا ذاقها ما عادها
صغيرهم يكبر على عز ونعيم
معه المراجل تنولد بمهادها
وكبيرهم طلعه مثل طلع العديم
اللي ليا شاف الفريسة صادها
وكفوفهم تروى بها كبد اليتيم
اللي تفتت ما تحصل زادها
اسم المحيسن له مكانه في الصميم
بني عقيل اللي تحفظ بلادها
يشهد لنا التاريخ والمنسب كريم
اجدادها واولادها واحفادها
ربعي خفاجة مجدهم دايم مقيم
وعبادة الامجاد ربي زادها
وسهول وسبيع وبني كعب الحشيم
وكلاب سادات العرب واسيادها
ونمير وهلال ان غدا في الجو غيم
سيرة ابو زيد الهلالي عادها
العامري لو يفتخر فخره عظيم
هم قيس عيلان العرب واوتادها
وتاج المكارم والمراجل من قديم
ابن المحيسن حافظ لامجادها
كلمات اغاني انس ال بهيش العوامر
غناء : انس ال بهيش
كلمات : طلال المحيسن العامري
الحان : انس ال بهيش