كلمات فرقاه ضيم وحسره انس ال بهيش
ما لمثلي بدّ وما له حيله
والمريح اللي علومه سفره
انتبه له مير ما اوحي له
شيمة الصابر يداري صبره
ما تحرّى عين من ياوي له
والكسير اللي تمنّع جبره
اه ياوجدي وياعزي له
والدي فرقاه ضيم وحسرة
حرّها فيني مثل فقدي له
من رحل حطّت بوجهي كسره
وألف دمعة قهر في عيني له
ووالله ان الدار عقبه ودره
كثر ما تاوي له وتبكي له
غيبته كل الصلوف القشرة
وفرقته جور الزمان وميله
ابك ابوي اللي عزومه جَسره
ابك ابوي اللي شيوخ تجي له
ابك ابوي اللي عزيزٍ ذكِره
ابك ابوي اللي انا كلي له
القصايد ما توّفي قدره
والرثى يعجز ولا يرثي له
سُنة الله فرقّتنا وأمره
وما لي الا اذكره وادعي له
لكن اللي تاركٍ بي عبره
وحملٍ ازريت احمله و آشيله
يومن اقفينا وهو في قبره
بان احتياجي وانتمائي له
معلومات الاغنية
كلمات :
محمد عبدالله ال بهيش
اداء :
انس عبدالله ال بهيش
تصميم :
براند لحن
كلمات اغاني انس ال بهيش فرقاه ضيم وحسره
غناء : انس ال بهيش
كلمات : محمد عبدالله ال بهيش
الحان : انس ال بهيش