كلمات الفصول الاربعة حمد سالم العامري
والقلب لامنه نوى غيرك حبيبي ب امنعه
تنتابني ذكراك ما بين الوعي واللا وعي
ما كنك الا بحر حلمي والمشاعر الاشرعه
من وين تطلع كنك الا تقول يا شمس اطلعي
يتنفس الفجر بنفس حسنك ويشرق مطلعه
مع ان فرعك لو رميت الشمس به عيت تعي
ان الدجا يسري لها من دون ما تتوقعه
ان الدجا يكنز عبيره ل النسيم المطلعي
كله على شان النسيم المطلعي يلعب معه
يمتد ليلي واشعلك شمعة غلا بين اضلعي
ويمر بي طيفك ويتناثر ب صدري واجمعه
تحتاج تتعبني وانا احتاج لك وانته معي
بعض المشاعر تتعب المشتاق لكن ممتعه
موقعك من قلبي تدله بس حدد موقعي
وبعدين خذ قلبي وفي دنيا غرامك ضيعه
وان طاب لك شوقي وطاب ل صوت همسك مسمعي
القلب لك والشوق في عروقي بكيفك وزعه
القلب ملكك والفصول الاربعة من مطمعي
دام التقت في مبسمك كل الفصول الاربعه
كلمات اغاني حمد سالم العامري الفصول الاربعة
غناء : حمد سالم العامري
كلمات : حمدان بن محمد بن راشد
الحان : موسى