كلمات الهدو والليل والعزلة والانسام العليلة خالد ال بريك
معبر يلجى له الشاعر وينفذ من خلاله
لارسم خريطة الغاية على وجه الوسيلة
ابحرت مراكب افكاره لتوصيل الرسالة
يتخطى الغبة السوداء والامواج المهيلة
ماتهمه لمة اصحابه ولا فقد اتصاله
خص لامنه وقف في موقف دون القبيلة
والا في موقف فخر لاجل الاخوة والزمالة
والله مايرضي طموحاته ولايبرد غليله
غير لامنه عطى الطاروق لين يطيب فاله
للحياة حقوق والايام بالواقع كفيله
والحياء شعبة من الايمان والبدعة ظلالة
حب خشم اللي يشيل الاسم قبل اسمه يشيله
ان تكلم بالنيابة وان تكلم بالاصالة
المسارات تحكم والمتزن عقلة دليله
واستحالة يبدع افضل عالم الا في مجالة
قالها اللي لاطرق باب القصيد وطال ليله
لو يبين النور مايعلن رضوخه وامتثاله
مرحبا في حفل ابو مشعل عسى ايامه طويلة
عد ماهلت هماليله اليا ظلم خياله
الكريم اللي لامنه مد مداته جزيلة
مايهمه لو بذل دون الوفاء حاله وماله
مرحبا والطيب قبل نحلله دم وفصيلة
ختمه موثق على القلعة مثل ختم الوكالة
من سلالة فيصل اللي كل طالة تنحنيله
نعم والله بالفعول ونعم والله بالسلالة
وفارس الليلة نزف اله التهاني كل ليله
مشعل اللي شرب فنجال البطولة للثمالة
الفعول البيض وسلوم الرياجيل النبيلة
ياكسبها من عمامه ياكسبها من خواله
كلمات اغاني خالد ال بريك الهدو والليل والعزلة والانسام العليلة
غناء : خالد ال بريك
كلمات : محمد بن سرحان
الحان : خالد ال بريك