كلمات الو الو احنا هنا شادية
بارك لنا وهات لنا وياك هدية كويسة
الو الو الو احنا هنا
احكى له ازاى احنا تعبنا واخدنا ميه على ميه
وقولى له كمان ازاى جيبنا كل الدرجات النهائية
خدنا سؤالين فى الجغرافيا وجاوبنا عليهم بالعافية
سين سؤال
اين تقع فى الخارطة اوروبا
جيم جواب
تبقى على شمال كوبرى القبة
سين سؤال
فين صحراء مصر الغربية
جيم جواب
بعد الرست هاوس بشويه
وعرفنا كده كده من نفسنا من غير ما حد يقول لنا
الو الو احنا هنا ونجحنا اهو فى المدرسة
بارك لنا وهات لنا وياك هدية كويسة
الو الو الو احنا هنا
والانجليزى
سيبك منه ما تساليش ابدا ابدا عنه
ضعيفة جدا فيه ما اعرفش غير بس اى لڤ يو
ڤيرى متش
واما فى النحوى وفى الصرف جاوبنا بالكلمة وبالحرف
سين سؤال
هل تعرفى كان واخواتها
جيم جواب
واعرف حماتها اه و خالاتها
لها اخت اتجوزت والتانية اتجهزت
لها اخت اتجوزت والتانية اتجهزت
والاخت التالتة طلبوها اتعززت
الو الو احنا هنا ونجحنا اهو فى المدرسة
بارك لنا وهات لنا وياك هدية كويسة
الو الو الو احنا هنـا
كلمات اغاني شادية الو الو احنا هنا
غناء : شادية
كلمات : فتحي قورة
الحان : منير مراد