كلمات انا الصعلوك جوني
ايديكي كسرت عرشي
ومهما البرد كان قاسي
ومهما القلب كان منهوك
ومهما قطعت راسي
ضوافر من تيجان الشوك
باحاول اترمي فى حضنك
ما بقدرشي
واقول اخسر فى يوم غيرك
ما بخسرشي
انا الصعلوك انا المملوك
ايديكي كسرت عرشي
مافيش ف عينيكي غير قبضة
بتجلدني بورود مالحة
وتسلخ قلبي م النبضة
عشان تصرخ من الفرحة
ونا سكوتي عيون تاهت
ما بين ضيك وبين حيرتك
مانيش فرصة لفرح باهت
ولا مرهم لتكشيرتك
مانيش طفلك
ومهما تقولي وتعاندي
شفايف جرحي بتقولك
مانيش ف عينيكي غير جندي
تقاسميه ف الشتا ذلك
تمدي ف لحمه اعصابك
يميل ع السهم لو صابك
وينزفلك
مانيش طفلك
كلمات اغاني جوني انا الصعلوك
غناء : جوني
كلمات : انطونيوس نبيل
الحان : انطونيوس نبيل