كلمات انا عصفور بيقولوا مجنون جوني
اوضتي فيها حاجات كتير
كورة حلوة منقطة
شوطتها علشان تطير
طارت فوق للسما
شافها عصفور شدته
باسها بوسة ف خدها
جت تقولي غنوته
انا عصفور بيقولوا مجنون
مجنون ايوه ومش مكسوف
باحلم اني الاقي الكون
مافهوش حزن ومافهوش خوف
مافهوش اي دموع بتسيل
مافهوش غير اطفال عساسيل
السما ف عينيهم مبسوطة
وبترقص لما يلاعبوني
فيها نجوم حلوة صغنطوطة
على طول بتمطر بمبوني
انا عصفور بيقولوا مجنون
مجنون ايوه ومش مكسوف
باحلم اني الاقي الكون
مافهوش حزن ومافهوش خوف
مافهوش اي دموع بتسيل
مافهوش غير اطفال عساسيل
راسمين الشمس ف احلامهم
بتزغزغهم وتصحيهم
نورها بيبقى ورود قدامهم
جاية تطبطب على خطاويهم
كلمات اغاني جوني انا عصفور بيقولوا مجنون
غناء : جوني
كلمات : انطونيوس نبيل
الحان : انطونيوس نبيل