كلمات انا ويني متعب بن دخنه
انا ذلحين ما باقي سوى طيوفك أناديها
عسى ربي يسامح خطوةٍ صوبك توديني
بعدك احتارت الخطوه ولا ادري وين اوديها
رحلت و ما بقا شيٍ بعد ما اقفيت في إيديني
و لا حاجه ! سوى الفرقا .. تلوح لي بـ أياديها
أصد ابدمعةٍ عبراتها تدعي جفن عيني
انا باقي معي ولا ادري وين ابَـ ابكيها ؟؟!
عيون الناس من حولي بنظرتها تلاحيني
و أكابر توّها و أصد بالدمعه و اخبيها !
تفارقنا و انا باقي عناويني ؟ عناويني
لعل ابيوم خطواتك على دربي تقديها !
بعدك الليل موحش و الطوارئ لك تسريني
و مسارات الرياض يضيق شارعها و كبريها
انا ويني ؟ انا و الله انا مدري : انا ويني
ادور بدايرة وينك و فرقانا و طاريها
بك اشوف الطموحات الكبار اللي تعنّيني
تعنّيني وا نا حالف لجل عينك بعنّيها
نصف دنياي ما يكمل بدونك يا نصف ديني
يا عزي للقلوب اللي تموت و جرحها فيها !!
كلمات اغاني متعب بن دخنه انا ويني
غناء : متعب بن دخنه
كلمات : شجاع السنحاني
الحان : متعب بن دخنه