كلمات اهل الشدايد اسعد البطحري
مـدرج المضمـار عـ الضمار كايـد
العيـون تْـرف مـ الحفزه اهدبتها
والقـلـوب تــدن دنــات الــرعايــد
بـه كــرات الـدم يبسٰت فـ اوردتها
غيـر مـن حضر فريــده مـ الفرايـد
دوس يْـدها آخف مـن وزن شعرتها
وضلعها مْقوّس شرى هلال المسايد
لا انشـرت فـ الشـوط والعالم برتها
تقلـب الكيـلو قلب شلف الجـرايـد
مــ الرهـاوه ما تشـوف مـنـافستها
والشـدايــد ترضـخ لاهـل الشدايد
شغــلـوا الشـلات هــذي مْناسبتها
تــولـد الشلات مـ بطـون القصايد
ودورة الــذيد الكفوف اللي عْمـرتها
كـف ابو خـالـد محمـد نسـل زايــد
لـيـن نشلت بيــن خلق الله رقبتها
واعـمـروها بالــرمــوز وبـالجــلايـد
صـوبـها العــربــان تهــوي افئـدتها
حــد منـهـم مستفـيد وحــد فــايـد
مـا بقـت دوره يمينـه مـا اكـرمتهـا
كـل عـام نشـوف فـ الشاره زوايــد
مـن قبــل تضـلـع يميـنـه اوسمتهـا
للهجـن بنــواعـهـا مشـرى وتــلايــد
مـن مسـار الريـس لــين مْـزايـنـتهـا
اكــرم الهجــن وأهـلـهـا وله عــوايد
مـن عـهـد زايد وخلـق الله اشهدتها
ولا شبـه زايــد يا غيـر عيال زايــد
كــل نفـسٍ انــزلــوهـا منــزلتـهـا
وابـذلــوا وايــد ونفعــوا نــاس وايد
معلومات الأغنية
كلمات : سعيد الحجري
اداء : أسعد البطحري
فيديو : المفارق
كلمات اغاني اسعد البطحري اهل الشدايد
غناء : اسعد البطحري
كلمات : سعيد الحجري
الحان : اسعد البطحري