كلمات ايلي ونوس
عيشت الحاضر بسألني ليه عيشت اللي فات تمني
في النوم كابوس سخيف سنين مبيفارقش سريري
الحب جه من الغرب الغدر جالي من زميلي
سيبيني أنا مش قد الدبل معيش اللضا
أنا بيتي موج يا ورد وانتي مش حمل المخمضة
كل اللي عيشت أسقيهم قبلك علموني البخل
عطشان محبة سنين مطولتش منهم غير مضمضة
مبلي بمرض عنك باعدني كان شبه بياكلني
لكن أوقات بحس إن انت مش عايز تشوفني
عارف غلبني يأسي لكن أرجوك تقولي
هستنى ليه من واحده شيء مشوفتهوش من أمي
كل إختياراتي زي الزفت بدعيلك دلني
بعد اللي عيشته كان لازم يموت طفلي الداخلي
العيب مش منك صدقيني تقيله شيلتي ياما
أنا مستاهلش كل ده بأمانة
شاور على قلبك قولها مش همشي
ابقي إفتكريني دايما حتى لو بطلت أغني
حاسس بريحة الموت بتعدي جانبي
آسف عشان معرفتش أبقى زي ما بتتمني
مكنش في ودي أسيبك أحكيلك في مغني وتحزن
كتبت ليك بالدمع أبغيك لكنك ما بتسمع
حاولت أراضيك وأصلح فيك أتاريك بتخلع
كان غرضك ايه معرفش بس سيبت لأجل تفهم
عينيا تحت منها خط أسود والسبب ذكرة
جميله زي القمر بس قلبك اسود جدا
أخر كلام ما بينا هعيدلك يمكن تفهم
إحنا مش لبعض متحاولش عشان هتزهق
فـ أنا مشيت مكنتش زي ما إتمنيت
شوفتك عيله وبيت أنا إتعاملت زي الضيف
كنتي طيف جميل منكرش ولسه في قلبي ثابتة
كنت شايفك شيء كبير بجد ويستاهل مجازفة
بقيت غلطان أخرتها أضحك لـ أربع حيطان
أذيت في ناس حبوني الدنيا ممشياها بـ تار
الوحده مكانتش حل العزله زي الإنتحار
مهما عملت الخير هيندموك وهتتطلع انت شيطان
على ايه هلوم بطل تخاريف
حواديتي ملت مني بلاها حب القرب بقى مخيف
طفي النور الجو برا مش لطيف
اللي تمد إيدك ليه يطلع سعران ومش أليف
كلمات اغاني ونوس ايلي
غناء : ونوس
كلمات : ونوس
الحان : ونوس