كلمات بحر الكرم اسعد البطحري
والليل توه و بان المدح مطلاعه
طريت يالمهري اللي ما يبيله عزام
يا نسل عومش علي والعز مرباعه
بن صوبر سعيد احمد شيخنا المقدام
بلحاف قوما ذرا وسيوف قطاعه
يا بو مسلم فعولك حطمت الأرقام
خذيتها بالمراجل فرد ورباعه
ان مرت الكايدة قلت الوعد قدام
وان قمت كل الصعاب تجيك منصاعه
قرما كفوفك صداها فاليمن والشام
وش عاد باللي قريب اقرب من ذراعه
كرامتك للعرب جمب السنام سنام
فداك من هو بخل ويحط شماعه
من كثر ما يكرم العالم خصوص و عام
اخاف ينسى الحطب ويقدم اضلاعه
يوم الوفا بالقسم معك اربعة اقسام
توفي و تروي كبودا حيل ملتاعه
انت اللذي في وقوفك تجبر المنضام
وترد له ضحكته قدام من باعه
البحر في وسعه اللي تجهله الاقوام
و صدرك بحر والكرم مبحر مع شراعه
رقيت راس المعالي يا فخر الأيام
لين الفخر بك ينادي ساعه بساعه
خذيت طيبك من الحكلي و سبع انعام
خوالك اللي مباديهم على الطاعه
يا شيخنا سعيد أحمد والسلام ختام
المجد باقي معك لي قومة الساعة
معلومات الاغنية
اهداء إلى الشيخ سعيد بن احمد بلحاف
كلمات الشاعر علي الغنبوصي
اداء أسعد البطحري
فيديو المفارق
كلمات اغاني اسعد البطحري بحر الكرم
غناء : اسعد البطحري
كلمات : علي الغنبوصي
الحان : اسعد البطحري