كلمات بحر جده محمد ال دلبج
مال احد غيره في قلبي له طواري
واحدن لا جيته ونفسي حزينه
رحت ماكنه غدى للحزن طاري
ان زعل ضاقت علشانه مدينه
وان رضا شفت المدينه نهر جاري
غرون اليا من تبسم شفت زينه
كنه من الحور له وصف ومواري
مبسمه عنقه عيونه حاجبينه
كل حاجه فيه من ضمن اختياري
والبدر لامن حضر ماقلت وينه
في ضيا وجه ماكن البدر ساري
من هواه ومن غلاي ومن حنينه
وده انه بين يمناي ويساري
والله اني ماحسب نفسي رهينه
وماحسبت اني على حبه بماري
لين ماشفت الغلا بيح كنينه
ولين ماشفته على الوصل انتحاري
الغلا له والمحبه له دفينه
ووالله انه بالغلا خابر وداري
والله ان اسوق عمري لجل عينه
لين ماتبني على القبر الذواري
معلومات الاغنية
كلمات فهد ال شافي
تسجيل ومكس وتوزيع استوديو هــاي تــون
تصميم ناصر البقمي Nasser I
توزيع ديجتال الفان ميوزك
كلمات اغاني محمد ال دلبج بحر جده
غناء : محمد ال دلبج
كلمات : فهد ال شافي
الحان : محمد ال دلبج