كلمات بكيتك من الفرقا فيصل المداريه
سلام على الشرهة والاخر على المنقود
يقولون من طينة محنة وقلبك بار
لا والله من طينة عذاب وجف وصدود
ياذوب اتحمل جمرة من جحيم النار
تلحق علي باختها اللي براس العود
خذيت الهوى طيش وعبث حب واستهتار
على قولة العربان عيب وعليه شهود
تبريت مني والوفا فيك طير وطار
عساك اخر العنقود ما انت اول العنقود
مخليني اعجوبة زمن في طريق المار
مضحك بي العاقل مشمت بي المقرود
لاني داخل الصورة ولا خارج الايطار
عدوك وانا غايب حبيبك وانا موجود
ورغم ما تسوي بي مسامح على ما صار
وخيرك كثير وموقفك ما عنه منشود
ومعك ما بعد عديت عمري من الاعمار
مخليه ريشه بين اصابع هبوب النود
تذكر ولك بالذكر مالك من الاسفار
ذكر وخل الذاكرة بالزمان تعود
تذكر يوم ان حدود وصلك ثلاث امتار
تخطيتها ماكن ذيك الحدود حدود
وصلتك وقمت بواجبك قبل سابع جار
اخفي عليك سدود وابدي عليك سدود
سدود تبي تبن والاخرى تبي تنهار
من ابدع تصاوير الله الخالق المعبود
احس اني ابحر في السفينة مع البحار
وانا اقول يا لبا هذيك الوساع السود
اغازل حورها وانصب لرمشها تذكار
واثمن عطاياها وهي ما وراها فود
تذكر وانا وياك في لمة السمار
تقول البرا مردود اقول البرا مردود
تحديت فيك الشاعر اللي من الشعار
بعد ما تقول اسمه تذكر علامة قود
توارت نجومه يوم لدت لي الانظار
طلع في عيون الناس ما هو بذاك الزود
تذكر يوم انك جيتني يا غريب الدار
ابشر بشوفك كني ابشر بمولود
فتحت الك صدري يا حبيبي زرار زرار
هذا بيتك وبيت امك وبيت ابوك العود
وتحتلني وتحطني دولة استعمار
وانا في السعودية تحت راية ابن سعود
وتحتلني وتحطني دولة استعمار
وانا في السعودية تحت راية ابن سعود
وتحتلني وتحطني دولة استعمار
وانا في السعودية تحت راية ابن سعود
كلمات اغاني فيصل المداريه بكيتك من الفرقا
غناء : فيصل المداريه
كلمات : مدغم ابو شيبه
الحان : ناصر الشيباني