كلمات بنات فهاق فالح الطوق
الليل انا قادني لشعر سلك الحرير
والنوم من موق عيني السهر يسرقه
ياساحة الشعر بكتب مايكن الضمير
ماهيب لحية خواطر لحية معلقه
تعال يللي على نور القمر تستنير
ناصر رفيقي تجلت شمسه المشرقه
يقول حايل وعدنا والقوافل تسير
وزنودنا قادحه والفوز بنحققه
الله يعينك على نفسك لاقر القرير
الراس حبه طحن والصدر فيه غلقه
الصارمات اقبلت واليوم يوم كبير
لاشافها اللي هقى باالفوز زاد قلقه
ون لد فيها النظر راع النظر يستدير
ويزود الارقام في شيكات مصدقه
بنات فهاق ابوها فاالتنافس خطير
كم واحد دون الاول فااللقى يفهقه
بعير اشقح لاكن قليل شكل البعير
تمامي الساس يعني في محل الثقه
مسبلينه هله لامن غداله هدير
خلوه من طيبهم للمسلمين صدقه
قم يابوصارم وسيف منافسك فاالجفير
السيف سيفك وعظم الجمجمه يفلقه
والبيرق اللي رفعته والعرب تستخير
اقدم وخل الهبايب فاالسماء تطرقه
ياهل الصياهد نصيحه قبل صوت النذير
سيله عليكم نحاوي والقوي يغرقه
على الصياهد نوى وقع يحوس المرير
يطير اغبارها ويزعزع المنطقه
وخوانه اخوان ساره مزبن المستجير
عدوهم لا تعزوى عزمهم يرهقه
حتى لو ان به صقه والقلب مايستذير
لاسمع صوت المشوك يسلم من الصقه
عيال عود عليه العلم ماله خشير
لاوصله العلم وقف ماختلف منطقه
المال مايجمعه والوقت جوره كثير
من شبته لين شيب فاالصحن ينفقه
دواسر يوم بقعاء شرها مستطير
في دقلة خيولهم شريف مكه فقه
وسم العصا سلمهم يزود شبر القصير
يامن ويرعى الخطر والخوف مايلحقه
عوق العقيد القتالي فاالنهار العسير
برماحهم يذبحونه من تحت بيرقه
واليا اقفت القوم عنه بين ميت وكسير
اللي خذى فتخته وللي خذى بندقه
كلمات اغاني فالح الطوق بنات فهاق
غناء : فالح الطوق
كلمات : فهد عبيد ال روق
الحان : فالح الطوق