كلمات ينشرح صدري فالح الطوق
الغلا لك كل يوم في زياده
انت للخفاق ياحبوب طبه
وانت مصدر راحته وانته وداده
من عرفتك ماعرفت الا المحبه
وفي وصالك مالقيت الا السعاده
الهواء لاهب من صوبك مهبه
اتلذذ في هواه وفي براده
ينشرح صدري بشوفك وانطربه
والخفوق ابسمتك عين مراده
لب قلب كل ماناداك لبه
مايطيق صدود قلبك وابتعاده
شاعرك مابه سوي حبك لعبه
بين اضلاعه تمكن في فؤاده
صب فنجال الغلا بيمناك صبه
كايف يازينها ريحة قناده
دلتك الوصف فيها ينضربه
تستحق المدح مني والاشاده
كلمات اغاني فالح الطوق ينشرح صدري
غناء : فالح الطوق
كلمات : سالم بن هياي المنصوري
الحان : فالح الطوق