كلمات بوسة بلون الشمس جوني
صوتك حضن بيمحي البرد اللي ف شراييني
بالقى الناس ف عينيكي ملايكة
قلبي يصالح فيكي جراحه
حتى الكون اللي مطوقني باسلاك شايكة
فجاة باحس بطعم براحه
لما ف وسط الزحمة باقابلك و تضميني
كل ما تبقى النظرات حادة
بالقى الحضن بيطول اكتر
بالقى الشوق ف عينيكي اتحدى
رفض الخلق اللي بتتوتر
من حضننا و كانه جريمة
فجاة باحس بعربياتهم
ممتلكاتهم مالهاش قيمة
فجاة باحس بان نجاحهم
مهما اتفاخروا ف اخره هزيمة
فجاة باحس باني خلاص
مابقتش فقير
واني مجرد ما انطق اسمك
هابقى باطير
واني برغم ديوني وضعفي
وعمري الشارد
باقدر اواجه كل مخاوفي
بصرخة مارد
بس لانك بتحبيني
واما ف وسط الزحمة باقابلك بتضميني
كلمات اغاني جوني بوسة بلون الشمس
غناء : جوني
كلمات : انطونيوس نبيل
الحان : انطونيوس نبيل