كلمات بو سهيل الكثيري مسفر السندوانة
يالله لي تخظع لهيبتك لعباد
وبمرك تحدد كل امرا مصيري
انك تجملني مع الناس لاجواد
وان ضلت الاذهان تفتح بصيري
يابومسلم ياعلك بخير وسعاد
يالمحزم اللي ممتلي مالذخيري
خصيتني من بد شاعر وقصاد
وبملي بما يملي عليه ضميري
جزل القوافي لي من الفكر شراد
لجلك تصف وتلتزم بالمسيري
وجهتها للي له المدح ينقاد
شيخا ملاذ الخايف المستجيري
للشيخ احمد بن مسلم بن جداد
ابن الصغيره بوسهيل الكثيري
له سمعتن تذكر على روس الاشهاد
وله هيبتن شروات هيبة الاميري
من هيبة الاجداد وصروح الامجاد
وتاريخ من نور الفخر مستنيري
يابوسهيل المدح بك يبلغ مراد
مراد عطشان ورد عالغديري
يامدهل الضيفان ياقاسم الزاد
يامكرما عابر سبيل وجويري
يافرحة المحتاج ياطب لكباد
ياعون من يمسي جناحه كسيري
من للثقايل لاثقلت والحمل كاد
الا انت يازبن الثقيل العسيري
لك شانن تقدره حكام واسياد
وعند العرب ياشيخ شانك كبيري
مكانتك مازادتك كبر وعناد
تواضعك مع كل كبير وصغيري
بيتك مثل عد الضوامي وميراد
حد موردهم وحدن صديري
لولا مطاعن لامر حكام لبلاد
مقشن ماتقبل والي الا الكثيري
وبركا على قدومك لها قامت اعياد
واستبشرتبك يوم جاها البشيري
يانسل لي خبره بطيب النبا ساد
شيخا سما للمجد واسما شهيري
عسى مسلم جنة الخلد ومهاد
وعن مافعل من جود يجزاء بخيري
كلمات اغاني مسفر السندوانة بو سهيل الكثيري
غناء : مسفر السندوانة
كلمات : خالد بن سليمان الجنيبي
الحان : مسفر السندوانه