كلمات بو ظفيرة مسفر السندوانة
وإسجع بعذب الصوت شيله و يره
شف ويش سوى فالعرب بو ظفيره
خلى البدايه مسك لله دره
روح بصفرا كلها مستديره
فيها من إرجوم الشياطين فره
باهر بدنها فيه برزة حظيره
عسمى و منحرها كفى الله شره
ما دبرت قدامهن مستذيره
تدرى حقوق الشوط برده و حره
يوم أقبلن عند الثمان الأخيره
عرقوبها ربك كتب لا تفره
ذلول شهم ما تسمع شويره
غاص ولطم من غبة الموت دره
يقدم على الكاسات ما قال خيره
شجاع و عيونه عتو المجره
يالله عسى وبل الحقوق الغزيره
يسقي الهير مشعاب و حزوم بره
وعلى الجبيب يهل ويزيد سيره
وين الرموز الماضيه مستقره
كلمات اغاني مسفر السندوانة بو ظفيرة
غناء : مسفر السندوانة
كلمات : حمدان عبدالله بالكيله العامري
الحان : مسفر السندوانه