كلمات تايه يا رب ونوس
قربت بتبعدني الموجه
كله بيختفي لما أحتاجه
الشدة مثلث برمودا
مش لاقي صحاب برا الأوضه
ف خلقت صحاب جوا دماغي
علشان الناس مش فاهماني
والنقطة البيضا مش موجوده
والجانب الطيب جوايا
مات لما إتلطيت في حكاية
ولا خطوة إتقدمت أنا واقف
مرعوب م الأيام الجاية
مسؤول عن حاجة ماهيش ملكي
بتعب والناس تسرق حلمي
ولا قادر أعيش اللي أنا عايزه
ولا قادر أعيش اللي عايزني
تايه يا رب
والحوجة لغيرك بتذل
في قرايب في قلوبهم غل
وصحاب هتسيبني إن تقلت
وحبيبة هخذلها لو أنا ملت
مطلوب شقة ومهر وزفت
وأنا مش لاحق أجيبلي تيشرت
ياما تقلت شيلتي وتبت
نجيني منها قبل أما أفلت
وكفاية فشلت في عين عيلتي
رغم إن العيب مش جاي مني
تعليم شغل وتمرين لكن
كل الأبواب قافلة في وشي
نحتايه في التانية وأهي بتقضى
ليل ونهار من غير ولا لقمة
نتشاف بنقصر ونكمل
وبنعمل دورهم مع دورنا
مش كان مفروض أبقى أنا ده
طب ايه اللي إتغير دلوقت
مش قولتي هكمل كان وعد
الوعد إزاي راح بالسهل
ليه دايما لازم أنا أتنازل
غلطان أو لأ بقول أسف
ليه دايما لازم أكون ساكت
رغم إن في قلبي حزام ناسف
خلصت حواديتي ومن بدري
كملت في ضلمة غابت شمسي
ولا طولت القاع ولا قبيت
أنا تحت المايه بحاول أجري
وأكتر من كده هقتل نفسي
لو ده مش كافي ف ده أخري
خربانه وحلها مش عندي
دلني علشان مش عارف أمشي
تايه يا رب
كلمات اغاني ونوس تايه يا رب
غناء : ونوس
كلمات : ونوس
الحان : ونوس