كلمات تجافي وانشقاق خالد ال بريك
يزور جيراني وانا ما عاد بابي يطرقه
وضعه معي بين الانانية وبين الاشتياق
محتار وش يختار والسندان تحت المطرقة
اما الغياب الي نهايته الموادع والفراق
والا الحضور اللي على قد المعرفة والثقة
والشعر اذا ماله دوافع ما يجي بالاختلاق
ودك لو انه يعتزل راعيه والله يرزقه
واليوم يومك يا قصيدي بعد فكيت الوثاق
بعض التعب راحة ولو ان الكتابة مرهقة
الفجر في زنزانته ما له من القيد انعتاق
تبقى النجوم معلقة حتى تجيب معلقة
فعل الحريري حرك المشهد على اكثر من نطاق
وعرف به العالم من اصغر حي لاكبر منطقة
يوم احتمى كاس السعودية بعزم ما يعاق
يفدي وطن سلمان ومحمد ويرفع بيرقه
من دافع الغيرة على اسم الكاس شارك بالسباق
واقسم ثلاث ايمان ما يرتاح لين يحققه
يوم استضاقت ساحة الميدان بالخيل العتاق
صوت رهمتها يسمعه من كان في سمعه صقه
جاب الحصان اللي وصوفه ما يقيدها سياق
كنه ما بين الخيل تولة دهن عود معتقة
اللون لون الحمسة اللي ناشع فيها الحراق
والفعل لو يركض مسافة شهر ما بش عرقة
يختال من زود الرهاوة عند خط الانطلاق
من كبرياه يقدم الخصم العنيف ويفهقه
واليا ابتدا حذف الغتر علق جناحين البراق
لو كان خصمه فوق طايرة الشبح ما يلحقه
لولا نظام الجاذبية عانق السبع الطباق
بين السما والارض يسبح في بحر ما يغرقه
تستاهل الناموس يا رمز التفوق والوفاق
اللي جهودك كلها متفوقة وموفقة
وان كان دجلة والفرات اعظم روافد للعراق
اعظم روافدنا شرف من فعله ومن منطقه
سينور محد يسبقه لا صار للخيل اصطفاق
وابو محمد فالكرم والطيب محد يسبقه
لا يبست ارياق العرب من جور حمل ما يطاق
يبرك ويشتاله شرف تقول مشتال ورقة
عز الله ان المدح في مثله لا كذب ولا نفاق
قال المثل ما يحجب الغربال شمس مشرقة
كلمات أبراهيم الشيخي
كلمات اغاني خالد ال بريك تجافي وانشقاق
غناء : خالد ال بريك
كلمات : ابراهيم الشيخي
الحان : خالد ال بريك