كلمات تعويذة جوني
فك قيودي وحطم سجني
قول للحزن بلاش يزعجني
خلي الدنيا ف عيني لذيذة
رحب بيه الساحر قال له
خطوة عزيزة
قال للساحر قلبي تاعبني
صوت نبضات جرحه بترعبني
قول للعالم يستوعبني
خلي الدنيا ف عيني لذيذة
رحب بيه الساحر قال له
خطوة عزيزة
قال للساحر مهما باجرب
اني اشرق ولا اغرب
بالقى الخوف اسوار بتقرب
والقى عيون الموت بصالي
رد الساحر قال له كفاية
روحي ف روحك شايفة مراية
بتكرر حواديت جوايا
بردها بيزلزل اوصالي
قام الساحر قال له تعالى
انا باشتكي من نفس الحالة
تعاويذي معاك مش شغالة
وبقالها سنين مش نافعاني
ياللا نشوفلنا ساحر تاني
يمكن نلقى هناك تعويذة
قادرة ف ثانية
تخلي الدنيا
ف عينا لذيذة
كلمات اغاني جوني تعويذة
غناء : جوني
كلمات : انطونيوس نبيل
الحان : انطونيوس نبيل