كلمات حبك يسر ميحد حمد
وانا وهم الليالي السود خلانه
تزعلني عيونك النجلاء وارضيها
لالا تجول المحبة مالها خانه
نار الهوى يحرق المجروح صاليها
حبك توسط مكاني وسط نيرانه
الحال في نار حبك يوم تشويها
انشدك نشدت خفى منهوه على شانه
مرة تخم السهوم ومرة تخطيها
بين اعتراف الخفوج وبين جحدانه
ان كان ما تاخذ العشرة وتعطيها
ماتت غصون الغلا بروح ضميانه
هذيه عيونك تداريني وداريها
مدامت قلوبنا للحب عطشانه
فرجاك مرة ولا ودي بطاريها
ورجل مصداج حبه ضحك حجانه
مابيك تكحل مدامعنا وتعميها
وتوسد الراس حرمانك وحرمانه
العين ما تغلي الا عين مغليها
واليوم من كثر ما تغليك سهرانه
قضيتي في المحبة عند قاضيها
وراعي الهوى بالهوى ما عاش من هانه
حبك يسر العيون ومرة يشجيها
وانا وهم الليالي السود خلانه
كلمات اغاني ميحد حمد حبك يسر
غناء : ميحد حمد
كلمات : محمد بن سالم
الحان : ميحد حمد