كلمات خطابك كتير شادية
من بين الحبايب واحد بتشاورى عليه وتقولى
حبيبى اهو خطيبى اهو
ما فيش غيره ليا ومفيش غيرى له اهو
حبيبى اهو خطيبى اهو
بتفوت الليالى عليكى وخيال الفرح حواليكى
والشوق اللى حير قلبك بيبان له فى ضى عينيكى
مكسوفة تقولى له عليه طب اخرة سكوتك ايه
ويا ريتك يا حلوة تنولى وياه الامل وتقولى
حبيبى اهو خطيبى اهو
ما فيش غيره ليا ومفيش غيرى له اهو
حبيبى اهو خطيبى اهو
على شط البحور والنسمة حوالينا الحياة مبتسمة
وقلوب الحبايب جايه تستنى النصيب والقسمة
يا شقاه اللى عاش وحدانى ويا بخته اللى يلقى التانى
ويقول للاحبة هاتولى شربات الفرح وقولوا لى
حبيبى اهو خطيبى اهو
ما فيش غيره ليا ومفيش غيرى له اهو
حبيبى اهو خطيبى اهو
كلمات اغاني شادية خطابك كتير
غناء : شادية
كلمات : فتحي قورة
الحان : منير مراد