كلمات خناقة رومانسية جوني
دي الناس بقت مالهاش امان
اصحاب الشوم وحبايب اللوم
مليون خناقة يا اخواتي ف اليوم
ما حد يا اخواتي غلبني
على الشناكل لعبني
غير مضروب الدم داهوه
اللي ملقح هنا هوه
دايبة ف هواه قال مش عاجباه
وحياة داهو لانا مورياه
هو بالراحة عليا يا حبيبتي شوية
والله عاجباني لكن احزاني
على طول غالباني ومش بايديا
بالراحة عليا يا حبيبتي شوية
مابلاش تهديد وزعيق ووعيد
دانا كنزي اكيد حبك ليا
دانا حتى باقول للناس اني
مش بس حبيبك لا طفلك
ومافيش ف الكون حد لازمني
غيرك وتمللي بالفلك
ف اغاني كتير وادي اغنية
ييجي من اسبوع شغال فيها
هي لا مش معقول
هو لا جد باقول
هي ونا قال زعلانة عشان مشغول
هو كان غرضي اني افاجئك بيها
هي دي مفاجاة خطيرة ما حصلتشي
وحياتك عندي تغنيها
هو بس الاغنية ما خلصتشي
هي ارجوك يا حبيبي تغنيها
هو مش حلوة ولسه ما كملتشي
هي دي ضروري ه تطلع وهمية
وكمان ه تكون احلى هدية
ارجوك ارجوك بقى غنيها
هو امرك يا حبيبتي خلاص يمشي
هو اتجرئي اتجرئي
انهي الليالي وابدئي
بصي ف عيوني ودققي
ه تلاقي فيهم طفل خايف
ه تلاقي طفل هزيل بريء
مفزوع ومش لاقي الطريق
هربان من الموت البطيء
مع نبض اسمك ع الشفايف
خايف لا يصرخ
حد غيرك يسمعه
مابقاش بيرسم
غير وشوش بتودعه
اتجرئي اتجرئي
وماتبعديش عن طفل تاه
بصي ف عيونه ودققي
ف عينيكي ه يشوف الحياه
مافهاش حيطان مستنياه
مالهاش ضوافر توجعه
ف عينيكي ه يشوف الحياه
مالهاش ضوافر توجعه
هي مع اني فرحانة بغناك
خليت عيوني يدمعوا
اياك تخاف انا هو معاك
هو الخوف معاكي باودعه
هي اياك تخاف انا هو معاك
هو الخوف معاكي باودعه
هي اياك تخاف انا هو معاك
هو وهي مع بعضنا ه نودعه
كلمات اغاني جوني خناقة رومانسية
غناء : جوني
كلمات : انطونيوس نبيل
الحان : انطونيوس نبيل