كلمات درب المحبة فهاد العلي
قلبي فدا قلبك الطيب ودقاته
يامن زرعت المحبه في شراييني
ومسحت ماضي كئيب بكل غلطاته
الله يديم الموده بينك وبيني
وانت اعلم الناس في قلبي ونياته
غير الوفا ماطلبتك شي تعطيني
دخيل روحك عن غيابك وضيقاته
ي اجمل الناس في قلبي وفي عيني
غاليك خط لعيونك اجمل ابياته
ماهمني لو ظروف الوقت تشقيني
مايعلم الواحد الا كثر صدماته
ماغيرك اللي بكل الكون يعنيني
اشري وصاله واحارب لاجل مرضاته
ترا وجودك معي لاهنت يكفيني
قبلك طريق الهوى اجهل حكاياته
مالي احد في حياتي لو تخليني
دربن بديناه لاترسم نهاياته
مديت لك بالمحبه راحة يديني
قلبن عطاك الغلا لاتزيد مأساته
انا بحبك قنوع وسهل ترضيني
تعال حرر خفوقي من معاناته
كلمات اغاني فهاد العلي درب المحبة
غناء : فهاد العلي
كلمات : فهاد العلي
الحان : فهاد العلي