كلمات منتوقة الجيد فهاد العلي
وطلي مثل طلة قمر نحتريها
فيك الصبايا يرقبن المواعيد
انتي لحالك والعروش اعتليها
ياسيدة هذا الزمن حسنك يزيد
يامهرة كل الغنج مكتسيها
اليا اقبلت اقبال خيل من بعيد
والموت يوم ان الهوى يقتفيها
يازينة الاوصاف منتوقة الجيد
الخصر فوقه صك خاتم يديها
الشعر ذيل اللي تدك الجلاميد
وعيونها كتايب الموت فيها
زينك لكل اللي على الأرض تهديد
ارقي على عرش النساء واعلنيها
غاشيك كل الزين من دون تحديد
هاذي لامرت بس سمو عليها
على بحر عينك قصايد مواليد
و رمش النواعس للقلوب ارسليها
تنبت مواطيك الزهر من على البيد
تسوى قناطير الذهب مقلتيها
انتي لكل الزين والملح تجديد
لو يبتديها الحسن ماينتهيها
وصايفك واجد ماتحتاج تمجيد
ونور القمر من خدها يبتديها
كلمات اغاني فهاد العلي منتوقة الجيد
غناء : فهاد العلي
كلمات : فهاد العلي
الحان : فهاد العلي