كلمات دواهي البقوم خالد ال بريك
شوارد هجوسه في ضميري لها نوناي
سبايك ذهب غسان والا قلايد در
عيونن ماجاء لعيون الابداع عنها اغضاي
ماتكتب سوى في شف صرح منيف وحر
له اصخر شواردها وبسمه يقوم بناي
مناحي بن ضحيان واسمه اليامن مر
يفز ونعم ويقول قلط على مركاي
هذا اللي مواقيفه مضارب مثل وعبر
يسولف بها الرجلي على الراكب المطاي
اليا صارت الدعوى نخاوي وحذف غتر
ينفذ كمومه كل مايسمع الشكاي
بذل حر ماله فالملافي ودفع الشر
يقول ازهلوا نقل الكلايف على مخباي
بنى فوق ساحات المكارم وطن ودير
مراقيب عز دونها يعجز الرقاي
يقديه شوره ماتسمع عمر وعمر
برايه يورد تايه الراي رشد الراي
يذر الغبن فعيون من لايوده ذر
كبار الفعول تغيض وتلجم الحكاي
يفك النشب ويسنع الامر جهر وسر
ولا قال لولا كبر ميقافي ولولاي
رسى الدغفلي فوق المعالي وفعله قر
يقول اشتريت الفعل الابلج وربح شراي
صقر للمراجل كل حر نباه يسر
يماري به المطنوخ ويغني الحداي
حرار مراجلهم تشرف ماهم بصور
ماهي مرجلة فنجال دله وكاسة شاي
على اكتافهم طولات قبل النجوم الغر
يشيلونها بالفعل وتقدي السراي
الادهى وامر يشوف الادهى بعد امر
تخالف هل الحاجات رايح وهذا جاي
هذولا بني ضحيان فزاعة المضطر
محازم فخر يوم النوايف لها بداي
دواهي البقوم اللي لهم سامعه وسير
يسولف بها الراوي على الكاتب القراي
يوم ان الجزيره وجهها اقشر وكر وفر
خذوا قسمهم من فعل كل ابلج عصاي
رعت في كنفهم كل ميلاف حلوة در
مامر اذنها غير الهوابيل والهوهاي
مضارب سيوف وشلف ماهي بعود عشر
على فعلهم يشكرهم الطير والعواي
كسى مدحهم عود القصيده حرير حر
وراحت تفاخر في نباهم وفي معناي
معلومات الاغنية
دواهي البقوم
مهداه الى الشيخ مناحي بن ضحيان الدغفلي البقمي
اداء خالد ال بريك
كلمات الشاعر عبدالله خلف الخالدي
كلمات اغاني خالد ال بريك دواهي البقوم
غناء : خالد ال بريك
كلمات : عبدالله خلف الخالدي
الحان : خالد ال بريك