كلمات ذخر هويل خالد ال بريك
وعين الخلي نامت و شربت بلايلها
وعديت في قمة حجا النايف المزموم
حذفت الشماغ وقمت أخايل مخايلها
و شع النهار بمقعدي ما قدرت اقوم
اسوق اجزل الابيات والهزلة اعزلها
بعيد عن العالم ويكسر علي الحوم
تكاشف مزون الشعر ثم هل وابلها
وحولت صدري منشرح ماعليه هموم
و صبيتها صب الذهب في معاملها
بعد حان واجبها وفي ماقفي ملزوم
عساها تنال إعجاب و الله يجملها
بحفلة اخويه ثامر النادر الشغموم
عضيدي ووقفتنا بعضنا يكملها
أفاخر بفعله و شهره ما عليه لوم
على الحد يوم الحرب ثارت قنابلها
تصدى هجوم المعتدي يوم جو حثلوم
بفعل يسر العين و القوم يخذلها
تقدم سرايا الموت والعلم فيه علوم
على أرض اليمن واقدام الاعدا يزلزلها
ونال الشكر من قايد اسلاحه الزيزوم
و كلمة كفو والنعم دايم يحصلها
عوايد لذخر هويل فالمعضلات قروم
الليا كبرت القالات يلقون باولها
بيوت الكرم والطيب قسم لهم مقسوم
من اللي خلق خلقه والأرزاق كافلها
ذوي بدير حربة فاريه في نحور القوم
أهل فزعة وجزعه ولا حد بجاهلها
من مطير ومطير الفخر نصرة المظلوم
من البحر لين البحر تعرف منازلها
خذوها بحد السيف ما جت بحب خشوم
يومن المعارك تطحن مع قبايلها
وهالحين بمن وخير كل الوطن محكوم
حكومة عدل بالحزم سلمان عاهلها
ومحمد ولي العهد حنكة وقو عزوم
هموم العرب والشعب فالقلب يحملها
وهلا بسم ابويه كن أبويه هنيا اليوم
أشوفه بوجه أخواني و في فعايلها
لونه رحل ذكره يشرف ويبقى دوم
عسى جنة الفردوس داره وينزلها
ويا مرحبا باللي حضر حفلنا معزوم
نيابة عن أخواني و غازي يمثلها
على العود مع طيب النبا مع ظهور الكوم
و على دلة للضيف حشمة نهيلها
كرامة ومن يحرم من المرجله محروم
لو كنوز كسرى في حسابه يحولها
و فالخاتمة نطلبك ياحي يا قيوم
الأعمار بالصحة و طاعتك طولها
كلمات اغاني خالد ال بريك ذخر هويل
غناء : خالد ال بريك
كلمات : عايض الهويل
الحان : خالد ال بريك