كلمات راعي الوفي خالد ال بريك
يارب الملا المعبود علام الحوالي
أسالك رضاك ورحمتك ياعظيم الشان
وسالك سمين الهرج والجزل يهيالي
سلامي على رعى الوفاء مكرم الضيفان
صبي المراجل والوفاء اول وتالي
ومشبب ولد مطلق راعي الطايله ذيبان
صبي الوفاء والطيب والمنزل العالي
حميد السجايا الوافي المطلق كحيلان
كريم اليمين معرب العم والخالي
ولد شايب دون الخوي يعمي العدوان
يوقف مواقيف الوفاء فااشهب اللالي
من دون الخوي ياقف ليا هابو الذلان
مواقيف طيب تنذكر ذرب الافعالي
وموقفك يا العطعوط من دون ابن شيبان
من دون العتيبي يا الكفو طيب الفالي
نخاك العتيبي يوم صوب من العدوان
وثبت موقفك وضرب حامي وقتالي
ثبت مطلق العطعوط يوم باروا الرديان
وقف ل الرفيق وقال ابشربي يبن جالي
وشاله من حدود اليمن لين جا نجران
وزبن رفيقه جعل يفداه الانذالي
يا العطعوط لك بيضاء على نايف الضلعان
وتبنالك البيضاء على روس القذالي
وربعه هل الطالات والموقف اللي بان
مواقيف مطلق تذكر بكل مدقالي
العماري اللي للوفاء منزل وعنوان
اقروم نهار الهوش ميقافهم عالي
هم الاد عمارٍ ذرى الخايف البلشان
لباسة الجوخ الحمر يوم الهوالي
هل الفزعه العجله ليا ثور الدخان
قروم نهار الهوش رجلي وخيالي
من الاد زايد لعتلوا كل ظهر حصان
وقعاتهم تعرف مداغيش الابطالي
معلومات الاغنية
مهداة الى مشبب بن مطلق العطعوط ال عمار
اداء خالد ال بريك
الشاعر ناصر بن حسن ال سعد القحطاني
كلمات اغاني خالد ال بريك راعي الوفي
غناء : خالد ال بريك
كلمات : ناصر بن حسن ال سعد القحطاني
الحان : خالد ال بريك